Sot akrepat e orës kanë lëvizur 60 minuta para. Tashmë përmes teknologjisë ora ndryshon vetë në çdo pajisje elektronike, si telefonat, kompjuterat, etj. por ju duhet të lëvizni në mënyrë mekanike akrepat e orëve në dorë apo atyre në mur.
Ora ndryshoi në orën 02:00 të mëngjesit të sotëm (e diel 26 Mars) kur akrepat shkuan 03:00.
I quajtur numërimi i orës verore, ky ndryshim do t’u japë mundësi të gjithë njerëzve të shijojnë më shumë ditën dhe rrezet e diellit dhe të flenë më pak.
Në vende të tjera, ky ndryshim do të ndodhë sipas orëve përkatëse lokale.
Për vendet e Bashkimit Europian, ora e gjithë zonës do të ndryshojë në të njëjtin çast.
Ora ligjore është vënë në veprim në vitin 1966, gjatë viteve të krizës energjetike.
Shteti i parë që e ka futur ishte Italia në vitin 1916.
Ideja e orës ligjore i njihet shpikësit të rrufepritësit Benjamin Franklin, në vitin 1784.
Ndryshimi i orës në Europë u vendos si ligj europian nga viti 1981 dhe është rinovuar çdo katër vjet. Ndryshimi i orës më parë në Europë ka qenë jo i njëtrajtshëm, por filloi të përgjithësohej nga viti 1974, pas krizës së parë të naftës dhe kur disa vende vendosën të çojnë përpara orën në mënyrë që të shfrytëzonin më shumë dritën e diellit dhe të konsumonin më pak energji elektrike.
Norma evropiane përcakton në mënyre të qëndrueshme datat e fillimit të periudhës së orës verore, ku akrepat lëvizin 60 minuta para dhe orës dimërore kur ato shkojnë 1 orë pas.
Ndryshimet bëhen të dielën e fundit të muajit marsit dhe të dielën e fundit të tetor.
Këtë vit ora dimërore kthehet në 28 tetor 2017.
