Mbrojtësi Giorgio Chiellini ka konfirmuar se Champions League është objektivi kryesor i Juventusit por ai e di shumë mirë që nuk do të jetë e lehtë kundër Moancos. Në një intervistë për të përditshmen “France Football”, Chiellini i ka bërë thirrje shokëve të skuadrës mos mendojnë për finalen por të përqëndrohen për sfidën kundër Monacos, shkruan “Football-Italia”. “Aspekti personal është relativisht i parëndësishëm për mua.
Duke luajtur një ndeshje si kjo është një kënaqësi e madhe për çdo lojtar, por në radhë të parë është ekipi. Nesër shpresojmë që ta kalojmë Monacon dhe të kemi një fund tjetër nga ç’kemi bërë në Berlin kundër Barcelonës.
Nga fillimi i sezonit Champions League ka qenë objektivi ynë kryesor. Para se të mendojmë për finalen ne duhet të përgatisim mirë përballjen kundër Monacos dhe të përqendrohemi te ndeshja. Kam ndjekur rezultatet e Monacos me interes që prej disa muajsh. Kam vënë re se ata janë duke kaluar një sezon të jashtëzakonshëm me statistika të çmendura në Ligue 1 të Francës dhe me një ecuri të shkëlqyer në Europë”, u shpreh ai.
Sakaq Juventus ka mbërritur në principatën franceze pa gjermanin Khedira një nga lojtarët më të aktivizuar këtë sezon nga tekniku Allegri
