Ditën e sotme do të mblidhet Kuvendi i Shqipërisë dhe 24 deputetë të opozitës nuk do të lejohen të jenë pjesë e seancës plenare pasi u përjashtuan për kaosin dhe veprimet e dhunshme të kryera gjatë seancës së të hënës.
Megjithatë, ata kanë thënë se nuk do të njohin asnjë vendim nga ana e Sekretariatit të Etikës teksa kanë shtuar se do të vazhdojnë me aksionin opozitar.
Kreu i grupit të PD-së, Gazment Bardhi deklaroi se në seancën e sotme parlamentare, Partia Demokratike do të bëjë çdo gjë për të penguar zhvillimin normal të punimeve.
Kujtojmë se për ata i vunë zjarrin karrigeve jashtë ambienteve të Kuvendit dhe qëlluan në drejtim të Kryetares së Kuvendit me këmbët e karrigeve të dëmtuara.
Masa ishte më e ekstremja e dhënë ndonjëherë që prej ndryshimit të rregullores së Kuvendit. Flamur Noka, Gazmend Bardhi dhe Bledion Nallbati përjashtohen për 60 ditë nga punimet e Kuvendit.
RENDI I DITËS, SEANCA PLENARE 3 TETOR 2024
Miratimi i procesverbalit të seancës plenare të datës 30.9.2024. (Neni 44, pika 2, të Rregullores së Kuvendit)
- Njoftime (Neni 44, pika 3, të Rregullores së Kuvendit)
- Projektligji “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë mbi bashkëpunimin teknik 2022 për projektin “Programi për një zhvillim urban rezistent ndaj ndryshimeve klimatike në Shqipëri””. (Në mbështetje të neneve 78, 83, pika 1, e 121, pika 1, të Kushtetutës, dhe neneve 55 dhe 73-77 të Rregullores, shumicë absolute votash për miratim)
Pyetje
Shprehet nismëtari
Shprehet Komisioni përgjegjës për Veprimtaritë Prodhuese, Tregtinë dhe Mjedisin.
Dhënie mendimi Komisioni për Çështjet Ligjore, Administratën Publike dhe të
Drejtat e Njeriut.
Dhënie mendimi Komisioni për Politikën e Jashtme.
Dhënie mendimi Komisioni për Çështjet Europiane.
Diskutime
(Shprehen grupet parlamentare)
Koha e votimit
- Projektvendimi “Për zgjedhjen e anëtarit të Këshillit të Lartë Gjyqësor nga radhët e përfaqesuesve të shoqërisë civile sipas ligjit nr. 115/2016 “Për organet e qeverisjes së sistemit të drejtësisë”, i ndryshuar, raundi i dytë. (Në mbështetje te nenit 147, pika 8 të Kushtetutës dhe nenit 35, pika 16 e ligjit nr. 115/2016 “për organet e qeverisjes së sistemit të drejtësisë”, si dhe nenit 111 të Rregullores së Kuvendit).
5.Projektvendimi “Për zgjedhjen e anëtarit të Këshillit të Lartë të Prokurorisë nga radhët e përfaqesuesve të shoqërisë civile sipas ligjit nr. 115/2016 “Për organet e qeverisjes së sistemit të drejtësisë”, i ndryshuar, raundi i dytë. (Në mbështetje te nenit 147, pika 8 të Kushtetutës dhe nenit 35, pika 16 e ligjit nr. 115/2016 “për organet e qeverisjes së sistemit të drejtësisë”, si dhe nenit 111 të Rregullores së Kuvendit).
