Armina dhe Shkëlzeni janë një nga çiftet e showbiz-it që ngjallin shumë interes. Blogerja dhe djali i ish kryeministrit Berisha janë së bashku prej vitesh. Deri tani, ende nuk kishte asnjë shenjë të fortë që ata do ta çonin lidhjen e tyre në një nivel tjetër. Këtu e kemi fjalën për martesën. Megjithatë, kjo ndryshoi dje.
Gazeta “Express” shkroi dje se Armina dhe Shkëlzeni do të kurorëzojnë dashurinë e tyre në martesë sot. Ceremonia do të jetë private dhe do të mbahet diku në Shqipëri. Por as Armina e as Shkëlzeni nuk kanë folur për këtë gjë. Çifti nuk e ka konfirmuar lajmin, por as nuk e ka përgënjeshtruar ende.
