Me mijëra besimtarë kanë dalë mëngjesin e sotëm në Bulevardin “Dëshmorët e Kombit” për të falur namazin e Kurban Bajramit, festës së sakrificës që bëhet në emër të profetit Ibrahim.
Profetit iu urdhërua nga Zoti ne formën e një sprove, të flijonte djalin e tij Ismailin. Por ndërsa po zbatonte urdhrin, atij iu dha një dash për ta flijuar në vend të djalit. Që prej asaj kohe, në përkujtim te kësaj sakrifice ekstreme, kush ka mundësi, bën kurban.
Pas lutjes se mëngjesit çdo besimtar bën kurban ne shtëpi nje dash apo del, që i dedikohet Zotit.
Falja e Bajramit është drejtuar nga krerët e komunitetit mysliman.
Kreu i Komuniteti Mysliman, Skëndër Bruçaj uroi gjithë besimtarët duke theksuar se lutjet e sotme shkojnë për mirëkuptimin dhe dashurinë mes gjithë bashkëkombësave.
” Falë zotit kemi një ditë feste, përkushtimi dhe vetëmohimi. Përkujdesja është sot në çdo familje. I lutem zotit të sjellë paqe begati për të gjithë!”-tha Bruçaj.
