Kryeministri Edi Rama ka reaguar pak orë para mbajtjes së Konferencës së Parë Ndërqeveritare Shqipëri-BE në Bruksel.
Përmes një postimi në rrjetetsociale, Rama shkruan se ndihet krenar që Shqipëria, pa dallim, ulet sot në tryezën e madhe të Evropës së Bashkuar.
Rama: Mirëmëngjesi, me kënaqësinë e me krenarinë që sot Shqipëria e të gjithëve ne, pa dallim feje, krahine, ideje, moshe a statusi social, Shqipëria e Skënderbeut, e rilindasve, e dëshmorëve të luftës, e martirëve të regjimit komunist, e studentëve të Dhjetorit ’90, Shqipëria e familjeve të zakonshme shqiptare, kudo ndodhen dhe e fëmijëve tanë kudo ku rriten me prindërit e tyre, ulet në tryezën e madhe të Europës së Bashkuar për të filluar negociatat për anëtarësimin e saj.
