Mbretëresha Elizabeth II feston dy ditëlindje. Edhe pse tingëllon e cuditshme, ditëlindja e vërtetë e mbretëreshës është sot (21 prill), ditë kur ajo mbush plot 94-vjec.
Përpos kësaj, ajo feston edhe një ditëlindje tjetër, të shtunën e dytë të qershorit, një traditë që vazhdon që prej kohës kur u ngjit në fron, më 2 qershor 1953.
Ajo që fshihet pas festës së dyfishtë është në fakt një traditë, që nisi me mbretin George II në 1748, dhe ka një arsye shumë të thjeshtë, për të mos festuar ditëlindjen në mot me shi.
Kështu që prej asaj kohe, ceremonia Trooping dhe Colour, tradita e regjimenteve të ushtrisë britanike dhe të Commonëealth-it, është festuar edhe si ditëlindja e dytë e monarkut.
Ndërkohë këtë vit, mbretëresha Elisabeth, për herë të parë në 68 vite froni, ka anuluar traditën që vendi bën me rastin e ditëlindjes së saj, si pasojë e koronavirusit.
Mbretëresha ka ndaluar në mënyrë absolute përshëndetjet që i bëhen çdo ditëlindje përmes armëve dhe asnjë nga ndërtesat qeveritare nuk është e detyruar të valvisë flamurin kombëtar, një tjetër traditë që mbahet në nder të ditës së saj të lindjes./Opinion.al
