Ditën e sotme pritet të jepet masa e sigurisë për autorin e vrasjes së Egli Progës, Denis Meçen si dhe për 3 shtetasit e tjerë të arrestuar për moskallëzim krimi.
Mësohet se 4 të akuzuarit kanë mbërritur në gjykatën e Korçës.
Në ambjentet e jashtme, janë prezentë edhe familjarë të viktimës. Seanca pritet të nisë tani, edhe pse ishte caktuar në orën 11, por për shkak të kontrolleve nga drejtoria e standarteve, pati vonesë.
Ndërkohë kujtojmë se gjatë së shtunës u raportua se 42-vjeçari, Egli Proga kishte ndërruar jetë aksidentalisht në lagjen nr.1 në Pogradec. Hetimet e komisariatit të policisë së këtij qyteti kanë zbuluar se ai ka mbetur i vdekur pasi është dhunuar fizikisht nga 29-vjeçari Denis Meçe pas konfliktit për motive të dobëta.
Në momentin që ka ndodhur ngjarja kanë qenë prezent dhe persona të tjerë në lokal, të cilët nuk kanë kallëzuar në polici lidhur me krimin e regjistruar. 3 prej tyre janë vënë në pranga nga uniformat blu për “Moskallzim krimi” dhe “Veprime që pengojnë zbulimin e së vërtetës.
