Presidenti i Francës, Francois Hollande, do të takojë sot në Uashington presidentin e Shteteve të Bashkuara, Barack Obama, për të kërkuar më shumë veprime kundër militantëve të Shtetit Islamik (IS).
Shtëpia e Bardhë ka thënë se dy udhëheqësit do të diskutojnë për “bashkëpunim të mëtejshëm” në kuadër të koalicionit ndërkombëtar, i cili, për më shumë se një vit, sulmon nga ajri objektivat e Shtetit Islamik në Siri dhe Irak.
Reuters shkruan se SHBA nuk do të përfshihet në vendosjen e këmbësorisë në Siri.
