Moti i keq dhe reshjet intensive kanë qenë të pranishme në muajin janar. Sipas meteorologes Lajda Porja reshjet intensive të shiut dhe në formën e rrebesheve do të vijojnë të jenë prezente në vendin tonë edhe gjatë ditës së sotme.
Por, nga dita e nesërme Porja bën me dije se do të kemi përmirësim të ndjeshëm të motit, ku do të shohim edhe orë me diell.
Reshjet e shiut do të jenë të pakta, por në zonat malore nuk do të mungojnë reshjet e dëborës për shkak të uljes së temperaturave. Si pasojë e uljes së temperaturave dhe motit të lagësht do të jetë ngrica në disa rrugë.
Meterologia tregon se janari futet në muajt e lagësht.
“Muaji dhjetor është ai që ka numrin me të lartë të reshjeve. Ky janar ka qenë me temperatura shumë më të larta se vitet më parë. Kemi pasur një janar shumë më të ftohtë, që sillte dëborë dhe jo reshje shiu.”-shprehet ajo.
