Ambasadori i Bashkimit Europian në Shqipëri, Luigi Soreca është takuar ditën e sotme me ambasadoren e re të SHBA-së, Yuri Kim.
Soreca është shprehur se është gati të bashkëpunojë me të për perspektivën europiane të Shqipërisë.
Në mars Këshilli Europian do të diskutohet përsëri për negociatat e Shqipërisë me BE, po ashtu edhe në Samitin e Zagrebit në maj prandaj dhe Soreca e quan një vit të rëndësishëm për perspektivën europiane.
Më herët, Yuri Kim ndodhej në Presidencë ku paraqiti letrat kredenciale duke u bërë zyrtarisht ambasadorja e SHBA në Shqipëri.
Postimi i Soreca
Mirëseardhje ambasadores së re të SHBA, Yuri Kim. Gati të nisim punën së bashku për të vijuar bashkëpunimin BE- SHBA në Shqipëri, në kontekstin e perspektivës europiane të vendit.
2020 është një vit i rëndësishëm për perspektivën europiane të Shqipërisë./ Opinion.al
