Ambasadori i BE në Tiranë, Luigi Soreca ka theksuar se nuk ka kthim pas për reformën në drejtësi. Një konferencën “Gjithçka për Drejtësinë”, ambasadori nënvizoi se reformat nuk po realizohen se i kërkon BE, por se i kërkojnë qytetarët.
Duke nënvizuar se ka ende punë për të bërë, ambasadori tha se qytetarët shqiptarë mesi presin krijimin e SPAK dhe rezultatet e reformës në drejtësi.
“Po t’i hedhim sytë në të shkuarën 3 vitet e fundit shumë pak vende në botë kanë bërë këtë transformim të thellë dhe kanë pasur këtë monitorim ndërkombëtar. 40 ligje të reja u ndryshuan që kishin të bënin me qeverisjen e gjyqësorit. Rreth 100 gjyqtarë dhe prokurorë të korruptuar nuk janë më pjesë e drejtësisë. Gjyqtarët që kanë kaluar vettingun nuk do të njollosen më. Duhet t’i japim meritë gjyqtarëve dhe prokurorëve që nuk e humbën busullën e integritetit. Sistemi i ri i drejtësisë është një realitet në të cilin nuk do të ketë kthim pas. Tek kjo reformë i kanë hedhur sytë edhe vendet e rajonit. Pritshmëria është e lartë që të kemi Gjykatë të Lartë dhe Kushtetuese funksionale. Qytetarët mezi presin krijimin e BHK dhe SPAK. Detyra kolektive është të mos ketë ngadalësim në mes të këtij rrugëtimi. BE do të vazhdojë t’i qëndrojë pranë, dhe gjatë 3 viteve në vijim do të ketë burime të tjera financiare me 42 milionë euro që janë programuar për drejtësisë. dhe 34 milionë euro do t’i jepen Shqipërisë për buxhetin për drejtësinë”.
Ndërkohë kryeministri Edi Rama i bëri edhe një herë thirrje vendeve të BE që të miratojnë çeljen e negociatave me Shqipërinë.
“E di që ne kemi probleme madhore ende për të zgjidhur, sepse problemi thelbësor është ndërtimi dhe fuqizimi i institucioneve. Ku është shpërblimi për punën tonë? Nga 3 kushte u bënë 9 dhe 99. Nuk duam të bezdisim BE, po kërkojmë recetë për ndërtimin e institucioneve”, tha Rama/ Opinion.al
