Ambasadori i Bashkimit Europian, Luigi Soreca është shprehur se reforma në drejtësi duhet të vijojë dhe se kjo nuk është koha për të rishikuar themelet e saj.
Në Twitter ai ka shkruar se reforma duhet ruajtur për të patur një drejtësi të pavarur si dhe për të cuar përpara Shqipërinë në rrugën drejt integrimit në BE.
“Implementimi i reformës në drejtësi vazhdon dhe duhet ruajtur. Kjo nuk është koha për të rihapur diskutimin mbi themelet e saj por për të rritur efiçencën dhe forcojnë resurset në dispozicion të saj. Për të patur drejtësinë e pavarur që qytetarët shqiptarë meritojnë dhe të cojmë përpara Shqipërinë në rrugën e saj të integrimit Europian”, shkruan Soreca.
Ky reagim vjen pas deklaratës së ambasadores së SHBA, Yuri Kim se cila shprehu shqetësimin e saj për një marrëveshje të fshehtë të mundshme për të vrarë reformën në drejtësi në Shqipëri.
“Shpresoj që fjalët për një marrëveshje prapa krahëve për të vrarë reformën në drejtësi në Shqipëri të mos jenë të vërteta. Reforma është e dhimbshme, e ngadaltë & jo perfekte por është e nevojshme, po bën përparim & duhet të vazhdojë.”- shkruante Kim. /Opinion.al
… the Albanian citizens deserve and to bring forward now Albania ?? on its EU?? accession path. 2/2#EUforAlbania ????
— Luigi Soreca?? (@LSorecaEU) May 21, 2020
