Ambasadori i Bashkimit Europian në Shqipëri, Luigi Soreca ka takuar sot kryetaren e KLGJ, Naureda Llagami. Ky takim është zhvilluar me qëllim informimin për procesin e emërimit të Gjyqtarëve në Gjykatën e Lartë.
Në një status në Twitter Soreca shprehet se ka nga ky proces nuk kërkohet vetëm shpejtësi por edhe cilësi në punën e bërë.
Ditën e djeshme kryetarja e KLGJ tha në komisionin e ligjeve se tha se Gjykata e Lartë do të jetë funksionale në shtator pasi kjo gjë tashmë është dhe prioriteti i institucionit të saj.
Gjykata e Lartë ka që nga muaji maj i këtij viti që nuk është funksionale pasi ka mbetur vetëm me dy gjyqtarë. Raportohet se numri i dosjeve të pa shqyrtuara ka arritur në mbi 32 mijë dhe gjykata ka marrë ambiente me qera për depozitimin e tyre. /Opinion.al
Kryetarja e KLGJ Naureda Llagami më njohu sot me punën e Këshillit, në veçanti për hapjen e pozicioneve për Gjykatën e Lartë, për të cilën tashmë ka akte rregullatore. Me rëndësi që së shpejti të ketë një Gjykatë funksionale, por edhe të balancohet shpejtësia dhe cilësia e punës. https://t.co/a8D4mVocOf
— EU in Albania (@EUinAlbania) July 12, 2019
