Sonte në ora 20:45 në Klan Kosova do të transmetohet emisioni Zona Express, ku do të shfaqet dokumentari “Misteri i vdekjes së Presidentit”, që bën fjalë për mundësinë e vdekjes jo natyrale të Presidentit të Parë të Kosovës, Ibrahim Rugova, por si shkak i një helmimi. Emisioni Zona Express, me autor Leonard Kerquki, do të sjellë fakte se çfarë ka ndodhur me Presidentin Rugova, mbi vdekjen dhe atentatet ndaj tij.
Në këtë dokumentar, për herë të parë, flitet për mundësinë që Dr. Rugova nuk ka vdekur nga kanceri në mushkëri, por ai mund të jetë helmuar.
Por kush mund të jenë të dyshuarit për vdekjen e Presidentit Rugova?
Në këtë dokumentar të përgatitur nga Klan Kosova, flasin bashkëpunëtorë të tij, gazetarë dhe njerëz që kanë pasur informata të dorës së parë në Rezidencën e Rugovës.
