Dy forcat politike të koalicionit qeverisës, PS dhe LSI, duhet të hyjnë të ndara në zgjedhjet e 18 qershorit.
Ky është rezultati i sondazhit të mbrëmjes në portalin Opinion.al, ku më shumë se 80 për qind e votuesve kanë klikuar se dy forcat kryesore të koalicionit qeverisës, duhet të hyjnë të ndara në garën e 18 qershorit.
Ndërsa, vetëm 15 për qind e tyre, kanë preferuar të përzgjedhin alternativën se PS dhe LSI duhet të futen bashkë në zgjedhje.
Një numër i vogël, prej 4.49 për qind e votuesve në sondazh, kanë klikuar alternativën: “Nuk e di”.
Ecuria e koalicionit qeverisës, PS dhe LSI, kohët e fundit duket se është tronditur dhe me shumë gjasa pak kush është në dijeni të vazhdimësisë së tij.
Mirëpo, afati përfundimtar i koalicionit është i vlefshëm deri më 18 prill, datë kur bëhet edhe regjistrimi i koalicioneve të reja për zgjedhjet e 18 qershorit.
