LSI do të jetë partia me rritjen më të madhe të votave në Durrës në zgjedhjet e 25 qershorit. Ky është rezultati i sondazhit të IPR Marketing dhe Ora News, që e nxjerrin LSI-në me 12% të votave, ndërsa në 2013-ën ka marrë 7.5%.
Nëse qytetarët e Durrësit do të votonin sot, PS do të merrte 42.2% të votave ose 6 mandate deputetësh dhe vihet re një rritje krahasuar me 2013 ku ka marrë vetëm 39.2% të votave.
E dyta renditet PD me një mandat më pak, ku ka marrë 35.5% të votave ose 5 mandate. Në 2013, PD ka marrë 34% të votave. Ky sondazh tregon se aleatët e PAA nuk i sjellin vota PD-së.
LIBRA e Blushit lufton edhe në këtë qark për një mandat deputeti. Ka marrë 3.1% të votave. Për një mandat lufton edhe PDIU me 3% të votave nga 2.4% që ka marrë në 2013.
Poshtë pragut elektoral pozicionohen të gjitha partitë e tjera të vogla.
