Sondazhi në webin opinion.al ka hasur në një numër tepër të lartë klikimesh, aq sa sipas webmasterit Gentian Progni, serveri i webit opinion.al e ka patur tepër të vështirë për ta përballuar, ndaj edhe është bllokuar për dy ditë me radhë.
Kanë qënë rreth 13 milion e 350 mije klikime, të cilat kanë klikuar sondazhin, mes tyre pjesa më e madhe e votave, apo klikimeve kanë qënë të manipuluara. “Të manipuluara pasi kanë votuar nga një Ip, janë përdorur screepte të ndryshme dhe është tentuar deri në 50 mijë herë për të votuar në sondazh”, është shprehur webmasteri Gentian Progni.
Pra nga rreth 13milion e 350 mije kilkime të vlefshme dhe që janë përfshirë në sondazhin e pa manipuluar, janë vetëm 43mijë vota të sakta.
Sipas të dhënave të nxjerra nga sondazhi, 71.1% të klikimeve kanë arritur të kalojnë të gjithë nivelet mbrojtëse të serverit dhe IP e përdorura kanë arritur të futen deri tek screept-i për të votuar. “Por në momentin që kanë klikuar voto, screept-i mbrojtës i sondazhit e ka refuzuar ”, është shprehur webmasteri i opinion.al. Pra 71% kujtojnë se kanë votuar, ndërkohë që vota e tyre është e manipuluar, pasi mund të kenë votuar më shumë se një herë, ose nga e njëjta IP.
