Mbrëmjen e djeshme në Opinion.al, u publikua sondazhi përmes të cilit qytetarët mund të votojnë për ministrin më të pëlqyer të qeverisë “Rama 2” në 100 ditët e para të qeverisjes. Ndërsa votimi pritet të vazhdojë deri mbrëmjen e së enjtes, rezultatet e deritanishme nxjerrin në vendin e parë Ministrin e Financave, Ekonomisë dhe Punës, Arben Ahmetaj. Pjesë edhe në kabinetin Rama 1, Ahmetaj kryeson sondazhin aktualisht me 20% të votave të publikut.
Në vendin e dytë ndodhet Ministrja e Mbrojtjes Olta Xhacka, e cila deri në këto momente, kur kanë votuar më shumë se 3800 persona ka arritur të ketë 17% të votave të sondazhit.
Më pak e votuara është Ministrja e Kulturës Mirela Kumbaro me 1% të votave, ndërkohë që klasifikime të ulëta kanë edhe Lindita Nikolla e Arsimit me 2% dhe Zv.kryeministrja Senida Mesi, 3%.
Ju mund të votoni në kohë reale në linkun e mëposhtëm duke klikuar në foton e ministrit, që mendoni se ka qenë më i pëlqyeshëm në këto 100 ditë. /Opinion.al
