Dy muaj para zgjedhjeve presidenciale dhe parlamentare në shtetin turk, një sondazh thotë se opozita do të korr fitore kundrejt partisë në pushtet AKP të Recep Tayyip Erdogan.
Kompania AR-G Research publikoi rezultatet e fundit të një sondazhi zgjedhor për president me një mostër prej 1472 qytetarësh.
Sipas sondazhit, ka një hendek prej 3 pikësh mes kandidatit presidencial të aleancës “Kombëtare”, Kemal Kılıçdaroglu dhe kandidatit të aleancës “Popullore”, Recep Tayyip Erdogan.
Kandidati i gjashtë partive opozitare, Kiliçdaroglu kryeson sondazhin me 46.2 për qind kundrejt presidentit aktual, Erdogan, i cili ka besimin e 43.1 për qind të anketuarve.
Ndërkohë, kryetari i partisë “Memleket Partisi”, Muharrem İnce do të fitonte 7.6 për qind të votave ndërsa Sinan Ogan, kandidat i aleancës “Ata” ka besimin e 3.1 për qind.
Ndryshe, zgjedhjet presidenciale dhe parlamentare në Turqi, do të mbahen më 14 maj. /Opinion.al
🇹🇷 2023 Cumhurbaşkanlığı Seçim Anketi
🟥 %46,2 Kemal Kılıçdaroğlu
🟧 %43,1 Recep Tayyip Erdoğan
🟦 %7,6 Muharrem İnce
⬜️ %3,1 Sinan Oğan📊 AR-G Araştırma
🗓 Mart 2023
👥 1.472— Anketler ve Raporlar (@PRaporlar) March 14, 2023
