Sondazhet e bëra në opinion.al tashmë janë kthyer në traditë të faqes. Ka pothuajse nga një sondazh të ri çdo ditë ku vizitorët e faqes mund të shprehin mendimin e tyre lidhur me një temë të caktuar. Një formë e mirë kjo për të reflektuar mendimin e lirë qytetarë.
Këtë herë pyetje e sondazhit ishte një temë shumë sensitive për aktualitetin e vendin dhe kjo u reflektua edhe në një pjesëmarrje të madhe në sondazh, gati 5 mijë votues.
“A mendoni të largoheni nga Shqipëria drejt një vendi për të ardhme më të mirë?”
Kjo ishte tema për të cilën u pyetën ndjekësit e opinion.al dhe pothuajse me vendim unanim ata kanë zgjedhur alternativën “po”. 91% e votuesve kanë thënë se do të largohen nga Shqipëria drej një vendi tjetër për një të ardhme më të mirë, duke konfiruam kështu se jetesa që po bëjnë aktualisht në vendin tonë lë për të dëshiruar.
Nga ana tjetër, vetëm 9% e votuesve kanë votuar se do të qëndrojnë në Shqipëri, duke shprehur kënaqësi për jetesën në vend.
