Prej mbrëmjes së të premtes në faqen e Opinion.al është duke u zhvilluar një sondazh mbi kabinetin qeveritar. Pyetja që u drejtohet lexuesve tanë është: Cili është ministri më i suksesheshëm i qeverisë Rama? Të renditur në sondazh janë: Tahiri, Kodheli, Bushati, Ahmetaj, Beqaj, Gjiknuri, Klosi, Dervishaj, Nikolla, Gjermeni, Panariti, Manjani.
Gjatë këtyre tre ditëve është vënë re një fluks i madh votimesh por edhe sulmesh, për pasojë faqja opinion.al ka qenë disa herë jashtë funksionit.
Gjithsesi, aktualisht sondazhi është online dhe po votohet normalisht. Vihet re se përpos votave të drejpërdrejta ka edhe shumë vota të stimuluara. Pra votime në grup për një ministër apo për një tjetër…
Grafiku më poshtë tregon qartë se 69.1% kanë qenë tentativa për vota të cilat janë bllokuar nga IT që monitorojnë faqen e Opinion.
Sondazhi deri më tani ka marrë 525 mijë vota prej të cilave një numër i madh janë bllokuar si sulme në faqe.
Opinion.al ju fton të vazhdoni të votoni ministrin që ju mendoni se ka punuar më mirë. Sondazhi do të vazhdojë të jetë i hapur edhe për disa ditë. /Opinion.al
