SHBA duhet të ndërhyjnë ushtarakisht për të ndaluar kërcënimin bërthamor të Koresë së Veriut.
Ky është rezultati i sondazhit mbrëmjen e sotme në Opinion.al, ku më shumë se 49 përqind mendojnë se SHBA-të duhet të ndërhyjnë në Korenë e Veriut. Ndërsa, (40.65%) e votuesve janë të mendimit se SHBA nuk duhet të ndërhyjë dhe vetëm (9.76%) e tyre, nuk kanë një mendim të qartë rreth kësaj çështjeje.
Në javët e fundit, Trump ka bërë thirrje për “zjarr dhe tërbim ashtu si bota nuk ka parë ndonjëherë”, që do të lëshohen mbi Korenë e Veriut, si dhe ka urdhëruar stërvitjet ushtarake që kanë zemëruar koreano-veriorët. Nga ana e tyre, ata kanë pohuar se Trump i ka shpallur luftë vendit, dhe se tani kanë të drejtën të rrëzojnë aeroplanët ushtarakë amerikanë.
Por a është vërtet bota në prag të Luftës së Tretë Botërore? Ekspertët thonë që ndoshta jo, edhe pse vënë në dukje se është e kollajtë të shohësh se si mund të mbërrihet atje.
Një konsensus i përgjithshëm është se deklaratat e Presidentit amerikan janë vetëm një shpërthim retorike, edhe pse shumë përmendin faktin që shpërthimet e retorikave kanë një histori fatkeqe që shpien në luftë.
