Partia Socialiste e ka nisur fushatën elektorale për zgjedhjet e 11 Maj me një takim me gratë dhe vajzat.
Gjatë fjalës së tij në këtë event, kryeministri Edi Rama u shpreh krenar për pjesëmarrjen e lartë të grave në PS.
Ndërkaq ai theksoi se integrimi i Shqipërisë në BE deri në vitin 2030 varet në radhë të parë nga nënat, motrat dhe bijat e Shqipërisë.
Pjesë nga fjala e Edi Ramës:
Sot ne jemi mbledhur në të 12 qarqet e vendit ku do zhvillohen 12 garat e përballje elektorale për kuvendin e ardhshëm të Shqipërisë për të nisur zyrtarisht fushatën e 11 Majit.
Ishte e vetmja mënyrë për të lidhur bashkë të gjitha forcat komando të forumit të gruas, ne menduam se më e udhës ishte të mblidheshin drejtueset dhe koordinatoret e çdo qarku.
Shqipëria është grua, Europa është grua dhe suksesi i përpjekjes për Shqipërinë 2030 në BE Varet në radhë të parë nga nënat, motrat dhe nga bijat e Shqipërisë. Nuk ka asgjë që mua më bën krenar për PS se sa fakti që kjo forcë poliitke mbështete fuqimisht nga gratë dhe vajzat e Shqipërisë.
PS e mbështesin në rang kombëtar 56% e zgjedhësve gra dhe vajza, në qarqe të caktuara kjo mbështetje shkon në 65%. Te burrat dhe djemtë mbështetja është më e ulët te ne, se sa te gratë dhe vajzat.
