TIRANE- Socialistët e Shkodrës votojnë djathtas, humbet LSI Kryetarja e Qarkut të Shkodrës është zgjedhur me votat e majta. Kjo tregon se krisjet brenda PS-së por edhe pakënaqësitë me LSI-në kanë çuar në rrjedhjen e votave. 16 vota ka marrë kandidatja e djathtë për kryetare këshilli, Greta Bardeli, kur Partia Dekomtareike kishte vetëm 11 këshilltarë.
Kështu 5 anëtarë të këshillit bashkiak të zgjedhurit e PS-së kanë votuar për kandidaten e djathtë.
Përballë Greta Bardelit ishte Agustin Gjoka i propozuar nga Lëvizja Socialiste për Integrim i cili mori vetëm 5 vota.
Qarku i Shkodrës ka 21 anëtarë nga të cilët 11 janë anëtarë të Partisë Demokratike dhe një nga Partia Republikane. Ndërsa nga e majta, 6 janë të PS, një i LSI dhe tre nga partitë aleate.
Në votimin e fshehtë morën pjesë të gjithë këshilltarët. Nga numërimi rezultoi se 6 këshilltarë të PS ose mbase të aleatëve kanë votuar djathtas, duke hezituar t’ia japin votën kandiadtit të LSI, partisë me të cilën janë në koalicion.
