Snapchat dhe Instagram janë në vazhdimisht në konflikt me njëra-tjetrën pasi kjo e fundit gjithmonë ‘vjedh’ idetë e Snapchat. Por më në fund erdhi koha që edhe Snapchat të huazojë një opsion nga Instagram.
Aplikacioni është duke testuar një tipar që quhet ‘bounce’ dhe është i ngjashëm më boomerang-un e Instagram. Snapchat e ka një opsion ku lejon përsëritjen e videove pafundësisht, por nuk e krijon efektin e boomerang. Momentalisht ‘bounce’ është duke u testuar te versioni beta dhe nuk është i gatshëm për publikun ende.
Nuk dihet ende nëse do të bëhet publik ky opsion, por nëse ndodh do të jetë një kthesë e madhe pasi zakonisht është Instagram ajo që huazon osionet e Snapchat dhe jo e kundërta. Nga ana tjetër, Snapchat po finalizon një projekt ku i lejon përdoruesit të logohen në aplikacione të tjera nëpërmjet Snapchat, njësoj si Facebook apo Google +./Opinion.al
