Mbrëmje dramatike për Laçin. Djemtë e Cungut u skualifikuan nga Europa League pasi humbën në ndeshjen kundër Hapoel Beer Shevas me rezultatin 1-2.
Takimi u zhbllokua në minutën e 59’ nga bomberi kryesor i kurbinasve, Kyrian Nwabueze.
Numri 9 i Laçit përfitoi më së miri nga një asist i Xhixhas dhe shënoi pak metra larg portës.
Gjerat u vështirësuan për laçianët pasi në minutën e 86’, mesfushori Deliu doli nga fusha pas dy kartonave të verdhë.
Kurbinasit nuk arritën të ruajnë avantazhin deri në fund dhe në minutën e 91’, miqtë barazuan me Agudelo.
Por e papritura erdhi në minutën e 94’. Kur dukej se takimi do të vazhonte me shtesa, sulmuesi Varenne shënoi golin e fitores për izraelitët.
Laçi i bashkohet kështu Teutës e cila u skualifikua nga eleminatoret e Europa League pasi humbi 0-4 me Granadën./Opinion.al
