Skuadra e Romës u kualifikua ditën e djeshme në gjysmëfinale të Champions League në një ndeshje historike të fituar me rezultatin 3-0 kundër Barcelonës.
Suksesi i Romës ishte një sukses i madh jo vetëm për skuadrën, por edhe për futbollin Italian sepse vitet e fundit i kanë munguar suksese të tilla.
Menjëherë pas fitores, skuadrat e ‘Serie A’ kanë uruar ekipin e Romës për ndeshjen e fituar kundër Barcelonës, por ajo që duket është mungesa e urimit e skuadrës së Lazios.
Kjo nuk është një gjë e jashtëzakonshme pasi urimet e skuadrës së Lazios kanë munguar edhe në shumë raste të tjera për Romën.
Momenti i vetëm që skuadrat janë bërë bashkë ka qenë kur kapiteni i Romës Fancesko Totti ka lajmëruar largimin nga futbolli, por edhe në këtë rast nuk ka munguar ironia.
