Botërori 2018 nuk do të ketë përfaqësuese të njohura prej tyre fituese të këtij trofeu si Kili apo si Holanda.
Jashtë finaleve mbeti edhe Shqipëria, që e mbylli në vendin e tretë në grupin e saj. E shtyrë nga kjo gazeta argjentinase “Clarin” ndërtoi ekipin që i mungon Kupës së Botës që do të mbahet në Rusi verën e ardhshme. Aty janë edhe dy lojtarë të Kombëtares, portieri Thomas Strakosha dhe mbrojtësi Elseid Hysaj.
E përditshmja e njohur argjentinase e quan Strakoshën si rezervë të Jan Oblak të Sllovenisë. Paraqitja e 22-vjeçarit shqiptar veçanërisht me Lazio ka tërhequr vëmendjen.
Elseid Hysaj shikohet si mungesë e rëndësishme për krahun e djathtë të mbrojtjes. Në ekipin e yjeve të munguar janë David Alaba, Miralem Pjanic, Alexis Sanchez, Gareth Bale apo Arjen Robben. /Tv Klan
