Skuadra e AEK-ut është shpallur ditën e djeshme kampione e Greqisë, duke i dhënë fund dominimit të skuadrës së Olimpiakosit që zgjaste prej shtatë sezonesh.
AEK-u mposhti 2-0 skuadrën e Levadhiakosit dhe u ngjit në kuotën e 63 pikëve, dy më shumë se PAOK-u i Selanikut.
Por ndërkohë dorëzimi zyrtar i trofeut do të bëhet pasi disiplina e futbollit grek të vendosë për fatin e takimit PAOK-AEK, i ndërprerë për shkak të trazirave dhe hyrjes së Presidentit vendas me pistoletë në fushë.
Olimpiakosi e mbylli kampionatin në vendin e tretë me 54 pikë të grumbulluara.
Titulli kampion i mungonte AEK-ut që prej vitit 1994 dhe ky është titulli i 12-të i fituar në historinë e klubit.
