Rikthimi i Korabit në Superiore u shoqërua edhe me sponsorë të rinj që erdhën nga Shtetet e Bashkuara të Amerikës dhe që vendosën një buxhet prej 400 mijë dollarësh amerikanë, çka bëri të mundur që skuadra të ketë në përbërje lojtarë cilësorë për sezonin e ri.
Por, humbja e djeshme ndaj Luftëtarit, ka bërë që ish-portieri i Korabit sezonin e shkuar, Elvis Kotorri të shpërthejë ndaj trajnerit Mërgjyshi. “Ekip milionash dhe paraqitje mediokre.
Trajner amator dhe dështak. Sa më shumë e shoh këtë ekip aq më shumë e dua skuadrën e vjetshme”, ka shkruar ish-kapitenit në profilin e tij në “Facebook”.
Kjo nuk është hera e parë që Kotorri shpërthen në drejtim të trajnerit Mërgjyshi. Mes palëve nuk u arrit bashkëpunimi për sezonin e ri, çka bëri që Kotorri të largohej nga ekipi. Ndërkohë, që trajneri Mërgjyshi asnjëherë nuk i është përgjigjur akuzave të bëra nga futbollisti.
