Ekipi i Kombëtares së futbollit për femra është mposhtur sot me rezultatin e thellë 0-5 nga Skocia.
Ndeshja e luajtur në stadiumin ‘Elbasan Arena’ ishte e vlefshme për kualifikueset e Euro 2021.
Takimi u dominua nga skocezet. Pjesa e parë u mbyll me rezultatin 0-2 për miqtë të cilat mbajtën të njëjtin ritëm duke shënuar edhe tri herë të tjera në pjesën e dytë.
Për ekipin e drejtuar nga Armir Grima kjo është humbja e katërt radhazi, në grupin F.
Pas kësaj ndeshje, Shqipëria renditet në vendin e fundit me zero pikë, ndërsa Skocia renditet në vendin e dytë me 6 pikë. /Opinion.al
