Skënderbeu-Partizani/ Përleshje në Korçë, ja çfarë po ndodh para sfidës

Ngacmimet në distancë, një xham autobusi i thyer në orët e para të mëngjesit dhe tashmë përleshje fizike ndërmjet dy tifozëve. Sfida ndërmjet Skënderbeut dhe Partizanit sa vjen e po bëhet më e nxehtë, një situatë e cila pritet të degjenerojë dhe në dhunë. Tifozë të Partizanit të cilët ndodheshin në një lokal pranë stadiumit janë sulmuar me gurë nga disa tifozë të Skënderbeut. Reagimi i tifozëve të kuq ka qenë i menjëhershëm duke shkaktuar dhe përplasje fizike ndërmjet tyre. Ndeshja më e rëndësishme e sezonit ka nisur të luhet jashtë stadiumit, një situatë aspak e hijshme e cila shqetëson jo pak përpara fillimit të takimit. Rreth 500 forca të policisë dhe afro 1000 stjuart do të jenë të pranishëm në stadium për të siguruar mbarëvajtjen e ndeshjes.