Një gol i Bruno Ditës ka vendosur fatet e kryesfidës së javës së 30-të të Kategorisë Superiore.
Partizani dhe Skënderbeu dhanë shumë volum loje, por duhej të vinte minuta e 94-t e takimit për të zhbllokuar rezultatin.
Një takim që pa protagonist vendasit, por konkretizimi përpara portës nga Batha e Trashi mungoi, një gjë që nuk e bënë miqtë nga Korça, që të vetmin rast për gol, e depozituan topin në rrjetë.
Me këtë fitore Skënderbeu i afrohet më shumë titullit kampion, pasi e dërgon në 14 pikë distancën me Kukësin e vendit të dytë, ndërsa Partizani ka bërë një hap pas në rrugën për Kupat e Evropës, ku ndodhet dy pikë poshtë Luftëtarit, kur kanë mbetur dhe 7 javë.
