Zyrtarisht Drejtore e Përgjithshme dhe aksionere kryesore e Info-Telecom është Anisa Skëndaj. Ajo zotëron 60% të aksioneve të kompanisë, që në vitin 2013 ishte kompania më e madhe në vend me pronare femër. Por zëra pranë opozitës bëjnë të ditur, se pjesë e rëndësishme e aksioneve të kësaj kompanie është edhe kreu i AKEP, Pirro Xhixho. Është pikërisht AKEP, institucioni që i ka dhënë licencën kësaj kompanie.
Në një shkrim të revistës “Monitor” në prill të këtij viti, teksa flet për biznesin e saj, Skëndaj e konsideron “mjaft interesant dhe me perspektivë”. Bizneset bartës të thirrjeve telefonike nuk janë të zhvilluara në Ballkan. Në Itali, ka shumë dhe në rajon, Rumania njihet për zhvillimin e madh të kësaj industrie, ku edhe Info-Telecom ka hapur zyrën e tij.
