Sot pritet të votohen në parlament komisionet e Vetingut, ndërsa opozita mungon. Por si do të zgjidhen anërët e ad-hoc? Një hipotezë është hedhur nga Spartak Ngjela, që njihet si mbështetës i Ramës. Ai thotë se mund të përdoret PDIU, pasi ajo nuk është çregjistruar nga koalicioni i djathtë. Derisa nuk vjen PD-ja në parlament kjo e drejtë i kalon PDIU, thotë avokati. Por tashmë të gjithë e dinë se PDIU ka kaluar me Edi Ramën dhe ka marrë poste qeveritare. Nëse kjo skemë vihet në funksion në seancën e sotme mazhoranca merr të gjitha komionet e Vettingut.
“Shumë e thjeshtë: praktikisht Këtë të drejtë do ta shfrytëzojë plotësisht PDIU, por, edhe ata opozitarë të tjerë që do jenë në aulën e Parlamentit dhe që nuk janë të regjistruar në KQZ në koalicionin e maxhorancës qeverisëse”, shkruan Ngjela.
“Në një proces zgjedhor të përbërë nga dy koalicione, fiton vetëm ai që merr shumicën në zgjedhjet elektorale. PDIU është humbëse në zgjedhjet elektorale të vitit 2013, domethënë është opozitare, deri atëherë kur ajo nuk është shregjistruar nga një koalicion dhe ka bërë marrëveshje parlamentare me maxhorancën aktuale për pozicionin juridik të deputetëve të saj në Parlament.
Por, a do ketë dhe opozitarë të tjerë nesër në sallë?
Nëse do të ketë, të drejtën që iu iu jep kushtetuta, do ta ndajnë në mënyrë të drejtë proporcionale. Deri tani, sipas asaj që është deklaruar, këtë të drejtë kushtetuese e ka vetem PDIU”, shprehet më tej avokati. /Opinion.al
