Të parët që i konstatuan ishin karabinierët e Abanos, të shtunën e 16 janarit, që i pikasën ndërsa po tentonin të grabisnin një pallat në rrugën Ghislandi.
Forcat e rendit kërkuan ti ndalonin, qëlluan disa herë në ajër, por tre banditët i dhanë gaz dhe mundën të humbisnin gjurmët.
Të enjten e kaluar ata u bënë sërish të gjallë: në orën 17.00 në drejtimin e aksit A4 në drejtimin për në Trieste, pranë San Stino, ku për të kapur sinjalin e makinës, është një makinë policie e cila qëllon sërish në ajër.
Të treve nuk u bën përshtypje: dhe ia mbathin sërish, duke arritur të evitojnë postblloqet e përgatitura në Muggia dhe Duino.
Arratisja e radhës në San Dona.
Ora 20.00: në San Dona di Piave një seri grabitjesh midis rrugëve Giotto dhe Brusade, ku mbeti viktimë një ish këshilltar rajonal Diego Cancian.
Disa dëshmitarë flasin për një Audi të verdhë në arrati.
A është ai i kërkuari nga policia?
Ka mundësi. Të tre janë të guximshëm dhe me shumë mundësi të armatosur.
Dhe nuk kanë frikë për asgjë, as për policët e armatosur.
E dinë që janë në një makinë lehtësisht të identifikueshme, por qëndrojnë gjithmonë në bordin e saj.
Në orën 22.00 në Noventa, interceptohen nga një makinë e komisariatit të policisë të Jesolo-s.
Hyjnë në A4, në drejtimin në Milano. Fillon gjuetia:
Parakalojnë karabinerët, por ata nuk kanë mundësi të bëjnë asgjë.
300 kuaj fuqi motorike më shumë bëjnë diferencën
Audi i verdhë shfryn me 300 km/h.
Pas pak shikohen në Montebello, ndërsa kalojnë rrugën rajonale 308, drejt Castelfranco.
Një police e kuesturës së Trevizos e cila ishte jashtë shërbimit, i shikon dhe lajmëron kolegët që përgatisin një postobllok në drejtimin verior të Trevizos.
Fillon një tjetër ndjekje. Audi i verdhë vjen, futet në A27 me 270 km/h dhe lëshohet drejt Treviso Sud, por ndërsa kanë kuptuar se po ndiqen nga karabinierët, banditët kthehen pas dhe futen në autostradë, ku humbasin gjurmët.
Një telekamera regjistron makinën në Preganziol: ku në 7 minuta ka përshkuar 25 kilometra, duke udhëtuar me një shpejtësi mesatare prej 220 km/h, ku banditët kanë arritur në Vetrego.
Duke e gjetur rrugën të bllokuar nga një incident i ndodhur me një autocisternë, Audi i verdhë kthehet në krahun e kundërt dhe udhëton me një shpejtësi prej 150 km/h, ku arrin në Spinea Ovest.
Pasi kanë lënë pas shpatullave Spinean humbasin sërish gjurmët. Për tu shfaqur sërish në Padova: në orën 2.45 në zonën industriale në drejtimin për në Bologna. Më pas të premten në orën 18.00 dhe 19.00: fillimisht në Mussolente, Schio dhe Thiene, kur për ti gjurmuar është ngritur edhe një helikopter i policisë./ Opinion.al Dritan Laci
