Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Skema/Gjithçka nisi nga Shijaku, si u përgjuan Bajri, Lul Berisha, Ndokajt

2018/10/23 at 3:54 PM
në Aktualitet, Kryesore
Kohë leximi: 4 min
A A
Skema/Gjithçka nisi nga Shijaku, si u përgjuan Bajri, Lul Berisha, Ndokajt

Hetimi për grupin kriminal “Avdyli” nga Shijaku, i nisur në dhjetor të vitit 2016 nga Prokuroria e Krimeve të Rënda, ka zbuluar lidhjet edhe me 3 grupe të tjera.


Përgjimet për këtë grup kanë zbuluar bashkëpunimin e tyre me ish-kreun e “Bandës së Durrësit”, Lulzim Berisha, grupin “Bajri” të Shkodrës dhe vëllain e ish-deputetit socialist të Lezhës, Arben Ndoka.

Madje, gjatë këtyre përgjimeve dolën në skenë edhe aferat korruptive të ish-drejtorit të Përgjithshëm të Burgjeve, Arben Çuko.

Ka qenë një referim i Policisë së Kavajës, që ka sjellë nisjen e një procedimi penal nga ana e Prokurorisë së Krimeve të Rënda.

Sipas informacionit të përcjellë nga oficerët e Kavajës, një grup i strukturuar kriminal, baza e të cilit ishte në Shijak, ishte aktiv në trafikun e kanabisit dhe kokainës nga Shqipëria drejt vendeve të BE-së. Ishte prokurori Anton Martini, që regjistroi procedimin penal me numër 339, të vitit 2016.

Në këtë formë u autorizuan përgjimet për anëtarët e grupit të dyshuar kriminal, që, sipas burimeve, drejtohej nga shtetasit Astrit Avdyli dhe Jasin Avdyli, të arrestuar tashmë gjatë operacionit të së dielës.

Gjatë hetimeve që po kryheshin në kuadër të këtij procedimi penal, oficerët ranë në gjurmë edhe disa politikanëve, emrat e të
cilëve dolën gjatë përgjimeve.

Grupi Avdyli

Grupi i strukturuar kriminal “Avdyli”, që u godit gjatë operacionit të fundjavës, sipas hetimeve, rezulton të jetë i përfshirë në trafik ndërkombëtar të drogës, të paktën në 18 raste. Nga të cilat 13 të realizuara dhe 5 që priteshin të kryheshin gjatë këtyre ditëve. Sipas Prokurorisë, ata ishin të përfshirë në trafikun e kanabisit, që nisej nga brigjet e Kavajës të Kepit të Rodinit drejt Italisë.

Por edhe në trafikun e kokainës, që vinte përmes Portit të Durrësit, duke u përpunuar më pas në një zonë në periferi të këtij qyteti dhe më pas një pjesë trafikohej drejt BE-se dhe një pjesë tjetër përdorej për tregun vendas. Nga ana tjetër, së fundmi, përgjimet zbuluan se ata ishin të lidhur edhe me trafikun e heroinës, një laborator i prodhimit e përpunimit të së cilës u zbulua të enjten në fshatin Brenog të Hasit.

LIDHJA ME ISH-DEPUTETET

Gjatë hetimeve që po kryheshin në kuadër të procedimit penal të nisur në vitin 2016, gjatë përgjimeve del në skenë emri i drejtorit të Përgjithshëm të Burgjeve të asaj kohe, ish-deputeti socialist Arben Çuko. Njëri prej anëtarëve të grupit kriminal “Avdyli”, shtetasi i arrestuar Denis Llaftiu, i kërkon Çukos të transferonte një të dënuar nga Burgu i Burrelit.
Ky transferim u realizua dhe gjatë përgjimeve rezultoi të ishte kryer përmes ryshfetit, konkretisht për 3 mijë euro dhe një automjet. Megjithatë, këto janë marrë nga shoferi i Çukos dhe ende nuk është sqaruar plotësisht nëse i janë dorëzuar atij apo jo. Po gjatë këtij procedimi, përgjimet nxorën në skenë edhe ish-deputetin socialist të Lezhës, Arben Ndoka. Vëllai i Ndokës, Gjevi Ndoka, i njohur edhe me emrin Xhevahir dhe me pseudonimin “Xhevi”, i arrestuar tashmë si pjesë e grupit “Avdyli”, ka qenë në përgjim në kuadër të hetimeve që po kryheshin.

E nga ana tjetër, duke qenë se bisedat e tij kontrolloheshin gjatë gjithë kohës, Prokuroria zbuloi edhe një aferë të dyshimtë për tjetërsimin e pronave. Gjatë bisedave që “Xhevi” bënte me vëllain e tij Arben Ndoka, doli në skenë përfshirja e këtij të fundit në aferën e falsifikimit të dokumenteve zyrtare dhe tjetërsimin e pronave në Qarkun e Lezhës dhe zonën turistike “Rana e Hedhun”.

ROLI I LULZIM BERISHES

Gjatë operacionit që u zhvillua mbrëmjen e së dielës, forcat e Policisë ushtruan kontroll edhe në shtëpinë e Lulzim Berishës, i cili nuk rezulton të jetë në Shqipëri. Ish-kreu i “Bandës së Durrësit”, rezulton të jetë po ashtu pjesë e këtij procedimi, ndonëse nuk ka një urdhër ndalimi për të.

Sipas Prokurorisë, grupi kriminal “Avdyli” ka bashkëpunuar me disa shtetas turq dhe pjesëtarë të disa grupeve kriminale për të transportuar opiumin nga Turqia drejt Hasit, në laboratorin e përpunimit të heroinës që u zbulua ditën e enjte. Pasi të përpunohej, droga do të transportohej në drejtim të vendeve të BE-së. Pikërisht në këtë pikë del në skenë emri i Lulzim Berishës, nga përgjimet që janë kryer gjatë hetimeve.

Megjithëse burimet thonë se nuk rezulton të jetë përgjuar vetë Berisha, por anëtarë të grupit kriminal kanë komunikuar me njëri-tjetrin duke përmendur emrin e tij. Nisur nga këto biseda, dyshohet se Lulzim Berisha do të garantonte transportin e heroinës nga Porti i Durrësit, në drejtim të Italisë e më pas drejt Gjermanisë. Por gjatë kontrollit të ushtruar në banesën e tij, Policia nuk gjeti asgjë të jashtëligjshme.

LIDHJA ME GRUPIN “BAJRI”

Gjatë një përgjimi të datës 4 shkurt 2017, vetëm dy ditë pas kapjes së ngarkesës me 2 tonë kanabis në Itali, Astrit Avdyli telefonon Petrit Sulejmanin dhe e pyet nëse ishte kthyer.

Në muajin qershor 2018, pak kohë para se Policia të godiste grupin “Bajri” në Shkodër, dalin përgjimet që kanë krijuar edhe lidhjet mes tyre dhe grupit “Avdyli”. Në skenë dalin Astmer Bilali, që u arrestua në shtator bashkë me Safet Bajrin dhe anëtarët e tjerë të organizatës.

Astmer Bilali së bashku me ish-kampionin e mundjes, Elis Guri, kryenin trafik kanabisi, që, sipas Prokurorisë, e bënin për llogari të Safet Bajrit. Sipas Prokurorisë, Astmer Bilali dhe Elis Guri i kanë shitur një sasi kanabisi dhe kokaine dy prej anëtarëve të grupit “Avdyli”, që ende nuk janë arrestuar.

Burimi: Gazeta Panorama

Etiketa: avdylishijakuskena


Ju sugjerojmë

Ish-ambasadori Daum zbulon vështirësitë e shqiptarëve:Qeveria ndaloi shitjen e bukës
-U tha në Opinion

Ish-ambasadori Daum zbulon vështirësitë e shqiptarëve:Qeveria ndaloi shitjen e bukës

14 Korrik, 2025 10:57 pm
Hapi dyert e ambasadës për shqiptarët, Daum: Bëra mëkatin më të madh…
-U tha në Opinion

Hapi dyert e ambasadës për shqiptarët, Daum: Bëra mëkatin më të madh…

14 Korrik, 2025 10:44 pm
Intervista e fundit, ish-ambasadori Daum përshkruan Shqipërinë e viteve ’87
-U tha në Opinion

Intervista e fundit, ish-ambasadori Daum përshkruan Shqipërinë e viteve ’87

14 Korrik, 2025 10:32 pm
Aksident në Elbasan/ Automjeti përplas biçikletën, një i plagosur rëndë
Aktualitet

Aksident në Elbasan/ Automjeti përplas biçikletën, një i plagosur rëndë

14 Korrik, 2025 10:05 pm
Virusi i hepatitit A, në mostrat e frutave të ngrira të malit nga Serbia në Gjermani
Aktualitet

Virusi i hepatitit A, në mostrat e frutave të ngrira të malit nga Serbia në Gjermani

14 Korrik, 2025 9:40 pm
Aksioni i IKMT-së në Theth, Rama: Ka filluar Rilindja urbane 2.0!
Kryesore

Aksioni i IKMT-së në Theth, Rama: Ka filluar Rilindja urbane 2.0!

14 Korrik, 2025 9:29 pm
Shkodër/ Japin dorëheqje drejtuesit e njësive administrative
Aktualitet

Shkodër/ Japin dorëheqje drejtuesit e njësive administrative

14 Korrik, 2025 7:40 pm
Belinda Balluku kërkon dorëheqjen e drejtorëve të Bashkisë Lushnje
Kryesore

Belinda Balluku kërkon dorëheqjen e drejtorëve të Bashkisë Lushnje

14 Korrik, 2025 7:32 pm
Degradohet ura e Milotit, asnjë masë e ndërmarrë deri më tani nga institucionet
Aktualitet

Degradohet ura e Milotit, asnjë masë e ndërmarrë deri më tani nga institucionet

14 Korrik, 2025 6:20 pm
Kultura e munguar e përgjegjësisë: Pse dorëheqjet morale janë të rëndësishme
Aktualitet

Kultura e munguar e përgjegjësisë: Pse dorëheqjet morale janë të rëndësishme

14 Korrik, 2025 5:17 pm
Para
Lajm i fundit/ 145 220 Paund me lavatriçe, arrestohet në kufi 25 vjeçari

Lajm i fundit/ 145 220 Paund me lavatriçe, arrestohet në kufi 25 vjeçari

Tenderat për baxhanakun dhe miqtë/ Drejtori i Ramës: Eshtë e kotë ti përgjigjesh opozitës që përgojon njerëzit

Endri Fuga i përgjigjet Palokës: Po ishim në Monte Carlo. Ja kë takuam

Armina Mevlani publikon dhuratën më të bukur që mori për fejesë

Armina Mevlani publikon dhuratën më të bukur që mori për fejesë
















TE FUNDIT

Ish-ambasadori Daum zbulon vështirësitë e shqiptarëve:Qeveria ndaloi shitjen e bukës

Ish-ambasadori Daum zbulon vështirësitë e shqiptarëve:Qeveria ndaloi shitjen e bukës
14 Korrik, 2025

Ish-ambasadori gjerman në Shqipëri, Werner Daum, në intervistën me gazetarin, Blendi Fevziu, në “Opinion” ka risjellë në kujtesën e gjithë...

Lexo më shumë

Hapi dyert e ambasadës për shqiptarët, Daum: Bëra mëkatin më të madh…

Hapi dyert e ambasadës për shqiptarët, Daum: Bëra mëkatin më të madh…
14 Korrik, 2025

Ish-ambasadori gjerman në Shqipëri, Werner Daum, në intervistën për gazetarin Blendi Fevziu, në “Opinion” ka treguar momentet kur shumë shqiptarë vendosën të...

Lexo më shumë

Intervista e fundit, ish-ambasadori Daum përshkruan Shqipërinë e viteve ’87

Intervista e fundit, ish-ambasadori Daum përshkruan Shqipërinë e viteve ’87
14 Korrik, 2025

Ish-ambasadori gjerman në Shqipëri, Werner Daum, u nda nga jeta dy ditë më parë, 12 korrik, gjatë një vizite në...

Lexo më shumë

Aksident në Elbasan/ Automjeti përplas biçikletën, një i plagosur rëndë

Aksident në Elbasan/ Automjeti përplas biçikletën, një i plagosur rëndë
14 Korrik, 2025

Një aksident i rëndë ka ndodhur mbrëmjen e sotme në aksin Elbasan-ish-Metalurgjik. Sipas burimeve, një automjet ka përplasur një person,...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com