Një skemë e pastrimit të parave, nëpërmjet tregtimit të floririt është zbardhur nga Prokuroria e Tiranës, me kërkesë të të cilës u vu në pranga 1 person dhe u shpallën në kërkim 3 të tjerë, dy prej tyre italianë.
Ata akuzohen për pastrim të parave dhe fshehje e të ardhurave.
Referuar dosjes hetimore, që Tv Klan disponon, mësohet se kompania Tirana Bullion, me seli në Tiranë dhe administratore Kejda Kurtin, e shpallur në kërkim dhe bashkëpronar Kreshnik Kurtin dhe dy italianët, deklaronte fitime fiktive nga shitje-blerjet e floririt të përdorur në Itali.
“Blerjet e floririt janë fiktive pasi kompania pa asnjë pikë magazinimi në Itali, blen flori të përdorur në Itali dhe e shet po në Itali ndërsa të ardhurat i xhiron në bankat Shqiptare, ku menjëherë pas këtij veprimi vlerat monetare të xhiruara tërhiqen nga Bankat dhe zhduken.”
Prokurori Bledar Valikaj i tha Gjykatës së kompania në vetvete ishte fiktive dhe faturat e shitjeve përdoreshin për të justifikuar transfertat bankare nga bankat italiane në Shqipëri.
Në disa raste, Prokuroria thotë se këta persona kanë tërhequr para kesh që shkonin në disa milionë dhe që kanë humbur gjurmët duke mos identifikuar se ku janë investuar.
NËN HETIM:
Kreshnik Kurti, i arrestuar
Kejda Kurti, në kërkim
Pietro Sevino Cosentiono, në kërkim
Nicoleta Isabella Trebbi, në kërkim/.Tv Klan
