Pas skandalit të shumëpërfolur në Hollywood për producentin e famshëm Weinstein, i cili u kërkonte favore seksuale në kembim të karrierës shumë aktoreve, një tjetër skandal seksual ka shpërthyer këtë herë në radhët e qeverisë Britanike. Bëhet fjalë për një nga ministrat e Theresa May.
Pas publikimit të skandalit seksual kundër Mark Garnier, Ministër për Tregtinë Ndërkombëtare, i cili mësohet se i ka kërkuar sekretares së tij Caroline Edmondson të blinte dy vibratorë, sot ka reaguar dhe kryeministrja Theresa May, e cila tha se çdo akuzë për abuzim seksual duhet të shkojë në parlament dhe të vijohet me një proces të pavarur.
Kryeministrja tha se ishte e shqetësuar nga raportet e kohëve të fundit në lidhje me ngacmimet dhe abuzimet e pretenduara në Westminster.
Sekretarja e komunikimit Caroline Edmondson i tha ‘The Mail’ të dielën se ministri i Tregtisë Ndërkombëtare Mark Garnier i dha paratë e e tij sekretares për të blerë dy vibrator në një dyqan lodrash seksi në Soho – dhe qëndroi jashtë dyqanit ndërsa ajo u fut brenda t’i blinte ato.
