Këshilli i Lartë i Drejtësisë po zhvillon një mbledhje të jashtëzakonshme për të shkarkuar kryetarin e gjykatës së Gjirokastrës Guxim Boçi që u përfshi në një afere seksuale.
Mbledhja nisi në orën 13:00 dhe vjen pas thirrjes së ministrit të Drejtësisë, Ylli Manjani mbrëmë në emisionin Opinion për shkarkimin e kryetarit të gjykatës.
Ai kishte kërkuar favore seksuale një gruaje për ta ndihmuar në një çështje gjyqësore për një pronë. Audio regjistrimi u publikua mbrëmë në emisionin “Stop” në Tv Klan.
KLD pritet të vendosë për shkarkimin e gjyqtarit për t’u hapur rrugë hetimeve të Prokurorisë së Krimeve të Rënda.
