20 vjeçarja që filmoi krybashkiakun e Peshkopisë në afera seksuale është marrë në mbrojtje nga policia pas reagimeve dhe kërcënimeve në rrjetet sociale.
Burime nga policia e Dibrës i thanë Televizionit Klan se në ruajtje të saj janë vënë agjentë civile të Drejtorisë së Policisë, të cilët janë parë gjatë paradites jashtë ambienteve të këtij pallati, ku banon 20 vjeçarja dhe familjarët e saj.
E reja mësohet se është marrë në pyetje nga prokurorët e çështjes dhe më pas është lënë e lirë. Motivet që e shtynë atë të regjistrojë veprimet e Kreut të Bashkisë dyshohet se lidhen me pushimin nga puna të nënës së saj.
E ëma e 20 vjeçares punonte si sanitare tek zyra e regjistrimit të pasurive të paluajtshme dhe me pas u transferua tek ndërrmarrja e llixhave, që administrohet nga Bashkia e Dibrës.
Aty është dhënë urdhri nga ish- kryebashkiaku Xhelili, për ta larguar nga puna dhe për ta zëvendësuar me një njëri të afërt të tij.
Ndërsa dosja penale ndaj Shukri Xhelilit pritet t’i dërgohet Prokurorisë për Krime të Rënda për akuzën e “Korrupsionit pasiv të personave të zgjedhur” dhe “Marrëdhënie seksuale duke shpërdoruar detyrën”, mbetur në tentativë.
