Ekspertja e mbretërisë, Katie Nicholl, tha se ishte mbretëresha Elizabeth II ajo që mori vendimin që Andrew të hiqte dorë nga detyrat mbretërore.
Sipas Nicholl, mbretëresha ishte e vetëdijshme se skandali seksual në të cilin është përfshirë Andrew shkaktonte dëme të mëdha në monarki ndaj ai duhej të tërhiqej dhe të mbante një profil të ulët për shumë kohë.
“Në takimin me të, iu bë shumë e qartë se nuk kishte asnjë zgjidhje tjetër përveçse të hiqte dorë nga detyrat mbretërore. Duhet të ketë qenë tepër e vështirë për mbretëreshën,” tha Katie për Entertainment Tonight.
Princ Andrew është i martuar me Dukeshën Sarah Ferguson dhe është baba i Princeshës Beatrice dhe Eugenie por ka dyshime se si mik i ngushtë i miliarderit, Jeffrey Epstein, është përfshirë në marrëdhënie seksuale me minorene.
Në një intervistë për “BBC”, princi insiston se s’kishte bërë seks me asnjë nga vajzat dhe gratë e trafikuara nga Epstein, megjithatë konfirmoi se kishte fluturuar me avionin e tij, që quhej Lolita Express, dhe kishte qëndruar në ishullin e tij privat dhe në shtëpitë e tij në Palm Beach dhe New York.
“Nëse je burrë, të bësh seks është diçka pozitive. Është shumë e vështirë të harrosh diçka pozitive dhe unë s’mbaj mend asgjë.”tha ai.
Kur u pyet në kishte bërë seks me Virginia Giuffre, dikur Virginia Roberts, e cila e ka akuzuar drejtpërdrejtë, kur ajo ishte 17 vjeçe, princi mohoi kategorikisht.
Ndërkaq Epstein është akuzuar dhe dënuar për trafikim minorenësh, prostitucion minorenësh, abuzim seksual etj. Ai u vetëvar në gusht të këtij viti pasi u arrestua për trafikim seksual./Opinion.al
