Nëse është e vërtetë atëherë kjo do të përbënte një skandal me përmasa të mëdha për policinë belge, ku mediat shkruajnë se policia kishte informacion që tre muaj para arrestimit, për vendndodhjen e terroristit Salah Abdeslam.
Mediat belge shkruajnë se një oficer policie, në Mechelen e dinte vendndodhjen e Abdeslamit që para tre muajsh, dhe kishte dërguar një raport në Policinë e Brukselit për adresën dhe lëvizjet e Abdeslamit, që dyshohet se është i përfshirë në sulmet terroriste në Bruksel, po ashtu edhe në Paris.
Për këtë arsye, ka nisur një hetim i brendshëm brenda Policisë së Brukselit në lidhje me këtë skandal.
Dështimi i policisë belge për ta arrestuar në kohë Abdeslamin është një tjetër tregues i neglizhencës së saj për sulmet e terrorit.
