Numri më i madh i lindjeve në Evropë + përqindja më e lartë e divorceve + numri më i madh i grave që punojnë jashtë mureve të shtëpisë = vendi më i lumtur në botë, ai në të cilin të gjithë do të ndiheshin më mirë po të jetonin.
Por me sa duket, këtë javë skandali i përhapur në media për pastrim parash të disa prej emrave më të njohur të politikës botërore, artit dhe futbollit, i ka ngrirë buzëqeshjen ishullit të bukur.
Islanda ka reaguar menjëherë, pas publikimit të “Panama Paperes” në lidhje me miliona dokumente që ekspozojnë fshehjen e parave dhe shmangien e taksave nga politikanë, biznesmenë dhe personazhe të botës së krimit, e të tjerë.
Nga rrjedhja masive e dokumentave, doli në pah se kryeministri i Islandës, Davio Gunnlaugsson dhe bashkëshortja e tij kanë përdorur kompani “offshorë” për të fshehur investimet miliona dollarëshe.
Megjithatë, edhe pas publikimit të skandalit dhe nisjes së mbledhjes së firmave për dorëheqjen e tij, kryeministri islandez tha se nuk ka ndërmend të heqë dorë nga detyra.
Ndërkaq, bëhet me dije se më pak se 12 orë janë mbledhur plot 24.000 firma në një peticion të shpërndarë nga ish-kryeministri dhe figura të rëndësishme në vend për dorëheqjen e Gunnlaugsson
