TIRANE- Pikturat e sekuestruara nga policia të koleksionistit të burgosur Thimio Gjergji kanë ngjallur edhe reagimin e drejtorit të GKA për mënyrën se si Ministria e Kulturës në bashkëpunim me Policinë e Shtetit vendosën t’i transportojnë ato.
Artan Shabani i pyetur nga mediat për këtë ngjarje të paprecedent ka sqaruar situatën: “Veprat e artit, ikona dhe piktura janë sekuestruar para dy vitesh me vendim prokurorie. Ato kanë qendruar për dy vite në Galerinë e Arteve. Më vonë me vendim të Gj.Apelit, këto vepra arti kaluan në pronësi të shtetit, por ne nuk na u lejua t’i ekspozojmë në galeri, qendronin të kyçura në magazinë”
Ndërkohë sot ka behur në GKA, policia e cila ka transportuar në kushte krejt të papërshtatshme pikturat. Për mënyrën si u trajtuan veprat e artit flet edhe Shabani me nota teper kritike.
“Zhvendosja e tyre, sot, nga GKA në Muzeun Kombëtar është bërë me urdhër të Ministrisë së Kulturës. Unë si artist e njoh shumë mirë specifikën e tyre dhe kushtet që duhet të transportohen”, tha ai, duke lënë të nënkuptohet se ato u trajtuan si mallë i çfarëdoshëm dhe GKA nuk u pyet aspak nga Ministria e Kulturës. Kjo e fundit duhet të japë shpjegime në lidhje me këtë incident.
denoncimi per trajtimin e veprave te artit
