Ministrja e Infrastrukturës dhe Energjetikës, Belinda Balluku ka folur lidhur me skandalin e publikimit të të dhënave të qytetarëve shqiptar.
Ndërsa në ndaljen për mediat ajo u pyet nga gazetarët edhe rreth një lajmi që po qarkullon, për një privatizim të e-Albania.
Ministrja Balluku e ka mohuar këtë gjë, duke u shprehur se platforma me të dhënat personale të shqiptarëve nuk do të menaxhohet nga një kompani private.
“Nëse është një lajm që qarkullon është i rremë, nuk ka një plan të tillë, të dhënat personale një pjesë e tyre janë kthyer në një lojë në telefonin e shumë personave. Nuk ka asnjë plan të tillë, kryeministri Rama e ka bërë me dije që në muajin janar kemi kërkuar mbështetjen e një kompanie të huaj, “General Jones Group”, e cila e ka një prezencë në Shqipëri, në marrëveshje me OST. Në ditët e para të janarit përfaqësues të saj do të jenë në Shqipëri për të nisur një analizë të thellë”,-tha Balluku./Opinion.al
