Skandali me mikrokreditë/ Vetëvritet Olsi Ibro, u hodh nga pallati një ditë pas sekuestrimit të dy shoqërive
Njëri prej të akuzuarve me skandalin e mikrokredive, Olsi Ibro është vetëvrarë këtë të shtunë.
Sipas informacioneve të para, ai është hedhur nga pallati, duke gjetur vdekjen e menjëherëshme.
Kjo ngjarje ndodh një ditë pas sekuestrimit të dy shoqërive Micro Credit Albania dhe “Final”.
“Më datë 20.07.2024, në rrugën “Ramazan Shijaku”, dyshohet se është vetëhedhur nga lartësia e një pallati në ndërtim e sipër, shtetasi O. I., 45 vjeç, i cili si pasojë e dëmtimeve të marra, ka ndërruar jetë në vendngjarje”,-njofton policia.
Grupi hetimor po punon për sqarimin e rrethanave të ngjarjes.
