TIRANË- Bashki si e ajo e Sarandës, Lushnjës, Korçës apo Durrësit kanë bërë më shumë tendera se bashkia e madhe e Tiranës gjatë vitit 2015. Open Data publikon shifrat zyrtare të prokurimeve publike.
Rezulton se e para në renditje është Bashkia e Durrësit e cila nga korriku deri në dhjetor 2015 ka bërë tendera me vlerë mbi 847 milionë lekë, pas saj vjen Saranda me mbi 730 milionë. Më pas Korça e Lushnja…dhe e 5-ta në renditje është Bashkia e Tiranës me 2.5 milionë lekë.
Open Data në faqen e saj online shkruan se “megjithëse Tirana është njësia vendore me më shumë shpallje, vlerën më të lartë të Fondit Limit të shpallur për prokurime publike e ka bashkia Durrës me 862 milion lekë për 26 prokurime të shpallura. Ndërsa vlerën më të ulët e ka Kurbini me 489 mije lekë.
Konkretisht Bashkia Durrës nga 26 procedura të anoncuara ka finalizuar me lidhje kontrate 8 prokurime publike me një fond limit në shpallje prej 450 222 808 lekë dhe fond të kontraktuar 292 982 259 ku diferenca shpallje me ofertë fituese është lartë.
Gjatë periudhës 27 korrik – 7 dhjetor 2015, janë 4 Bashki të cilat nuk kanë njoftuar asnjë procedurë për prokurim publike. Kruja, Pusteci, Finiqi dhe Delvina rezultojnë me 0 procedura të shpallura në Buletinin e Prokurimeve Publike. Këto Bashki nuk kanë njoftuar blerje mallrash, realizim të punëve publike apo të shërbimeve të tilla. /Opinion.al/
Fondet përkatëse të bashkive
Durres 847 968 644 lekë
Sarande 732 529 846 lekë
Korce 287 153 729 lekë
Lushnje 280 082 982 lekë
Tirane 273 558 524 lekë
Kavaje 224 684 369 lekë
Gjirokastër 222 931 614 lekë
Vlorë 174 516 306 lekë
Elbasan 159 573 327 lekë
Shkodër 156 447 271 lekë
Divjakë 132 832 783 lekë
Himarë 120 667 262 lekë
Mat 114 364 953 lekë
