Nicholas Truglia është vetëm 21 vjeç, por ai akuzohet për vjedhje të 23 milion dollarëve në monedha cryto. I riu i cili jeton në Manhattan u arrestua nëntorin e kaluar dhe u ekstradua në Californi në dhjetor. Aty 21 vjeçari përballet me 21 akuza për “ndërrim SIM-i”. Një burrë madje pretendon se Truglia ka vjedhur nga ai 23 milion dollarë.
Çfarë është ndërrimi i kartës SIM?
E shpjeguar shkurt, një person telefonon kompaninë celulare dhe thotë se karta e tij SIM është vjedhur ose ka humbur. Për t’u përgjigjur pyetjeve të sigurisë, informacioni merret nga rrjetet sociale ose nga lidhjet në jetën reale. Qëllimi është të ndërrosh shërbimin me një kartë tjetër SIM.
Në momentin që ka akses te numri i celularit, personi mund të targetojë bankën ose llogari të tjera, shpesh me anë të një kërkese për të ndërruar password. Truglia u akuzua nga Michael Terpin për ndërrim karte. Terpin është një investues në cryptocurrency. Ai pretendon se ka humbur më shumë se 23 milion dollarë pasi Truglia hack-oi llogaritë e tij janarin e kaluar./E.L
